Në 29 tetor të vitit 2018 Ministri i Brendshëm Sandër Lleshaj dha intervistën e tij të parë në emisionin Opinion si njeriu që do të pasonte Fatmir Xhafaj. Ai u shpreh se publiku nuk do ta shihte atë në media shpesh, por do ta shihte te fytyra e policëve.
“Kur mos të më shihni mua shpesh, do më shihni tek fytyra e policëve. Shihni ata, si të jenë ata, ai jam unë. Në qoftë se do i shihni policët me krimin, dijeni që jam unë me krimin. Në qoftë se i shihni policët e dehur, dijeni se po pi unë. Në qoftë se i shihni policët e pasjellshëm, do dini që po sillem unë. Ata do të jenë fytyra jonë.”
https://www.facebook.com/petritvasil/videos/1163933833788191/
Kështu u shpreh Lleshaj në emisionin Opinion, dhe pikërisht këtë pjesë të fjalës së tij kreu i grupit parlamentar të LSI, Petrit Vasili ia ka bashkëngjitur videos së turpshme të policit në Malësinë e Madhe.
“Pse po e vonon dorëheqjen Lleshaj?” shkruan Vasili në Facebook. Ai shton se ministri i ka marrë vetë përsipër përgjegjësitë, dhe për këtë “me siguri do ta ketë dhënë dorëheqjen pas ngjarjes së fundit”./E.L
