Shërbimi i Sigurisë i Ukrainës (SBU) ka bërë të ditur se ka nisur një hetim lidhur me një video të publikuar në rrjete sociale, ku pretendohet se shihet një i burgosur ukrainas teksa i pritet koka.
SBU-ja njoftoi për nisjen e hetimeve të mërkurën, më 12 prill, pasi presidenti ukrainas, Volodymyr Zelensky, tha se nuk duhet heshtur para këtij ekzekutimi, por çdo lider duhet të reagojë.
“Ekzekutimi i një qytetari ukrainas…
Kjo është një video e Rusisë. Të gjithë duhet të reagojnë. Çdo lider. Mos prisni që të harrohet.
Nuk do të harrojmë asgjë.”, tha Zelensky në një video-mesazh të publikuar në Twitter.
Në videon e publikuar në rrjete sociale më 11 prill, dukej se tregonte pjesëtarë të forcave ruse që torturonin një të burgosur ukrainas, të cilit edhe ia prenë kokën.
Pas publikimit të kësaj videoje kanë qenë të shumtë reagimet, përmendim BE e cila tha se do të ndëshkohet çdo përgjegjës i këtij akti, ndërsa OKB ka dënuar ekzekutimin dhe publikimin e videos në rrjete sociale./Opinion.al
The execution of a Ukrainian captive…
This is a video of Russia as it is. This is a video of 🇷🇺 trying to make just that the new norm.
Everyone must react. Every leader. Don’t expect it to be forgotten.
We are not going to forget anything. The defeat of 🇷🇺 terror is necessary. pic.twitter.com/H8Or6HJnYW— Володимир Зеленський (@ZelenskyyUa) April 12, 2023
