Në një video afro 1 minutë të siguruar nga Klan News shihet një pjesë e sherrit mes Princ Lekës dhe ish-bashkëshortes së tij Elia Zaharia. Është Princ Leka ai që mban telefonin duke filmuar konfliktin mes tyre, ku i pranishëm është edhe ish-vjehrri i tij Gjergj Zaharia.
Elia Zaharia i “hakërrehet” Princit duke i thënë se ai ka dhunuar babain e saj të moshuar e që e ka mbajtur me bukë. Ndërkohë ky i fundit tenton të largohet nga ambientet e Oborrit Mbretëror, duke i thënë “Mos më prek!”
Ish-bashkëshortja e tij e godet disa herë me duar dhe e kap nga xhupi, duke e cilësuar si “njeri pa shkollë e me diploma të falsifikuara.”
Debati mes tyre:
Elia Zaharia-Princ Lekës: Ti të më prekësh me dorë prindin tim që të ka mbajtur me bukë? Ti të më prekësh babin tim?!” I ke gjuajtur babit?
Gjergj Zaharia: Elia, Elia…
Princ Leka: Ik nuk kam prekur asnjë gjë! Mos më prek!
Elia Zaharia: I ke gjuajtur babit tim 70 vjeç! (E godet me dorë)
Gjergj Zaharia: Elia!!
Elia Zaharia: I ke gjuajtur babit tim! Ke prekur me dorë prindin tim…(tenton t’i marrë telefonin) Unë do të çoj në gjyq ty, mos më bëj viktimën. Diplomat i ke falsifikuar! (Tenton ta godasë sërish Princ Lekën, ndërhyn babai i saj) Ti i ke thënë shtetit shqiptar që ke shkollë, ti s’ke shkollë! Je pa shkollë, ke vetëm 4 klasë shkollë!
Kujtojmë se ngjarja u raportua mesditën e sotme, ku të dyja palët kanë kryer kallëzime në Polici dhe kanë kërkuar urdhër mbrojtjeje. Ata po hetohen për “dhunë në familje”.
Ishte Princ Leka ai që në dëshminë e tij ka thënë se shkoi të takonte të bijën 3 vjeçare dhe u sulmua fizikisht nga ish-vjehrri i tij. Ndërsa ky i fundit është shprehur se ai nuk ka forcë ta godasë një “burrë dy metra”, duke shtuar se ishte Princi ai që e nisi konfrontimin fizik.
Çifti e njoftoi ndarjen në rrjetet sociale rreth dy muaj më parë./tvklan.al
