Eugent Bushpepa është këngëtari që na ka mbushur me emocione me përfaqësimin e Shqipërisë në “Eurovison 2018”. Gjithmonë na ka frymëzuar nëpërmjet muzikës së tij, por kësaj herë edhe nëpërmjet angazhimit të tij personal.
Rrokeri ka vendosur jo vetëm të jetë Ambasador i World Vision për programin social “Tungjatjeta ..Jetë”, por edhe të udhëtojë, në ato zona ku programi ka marrë jetë.
Në videon shihet që Genti ka udhëtuar në fshatin Skroskë të Librazhdit, për të vizituar Emanuelin e vogël, i cili është një ndër 35 fëmijët që merr shërbime të specializuara falas në shtëpi nga ekipi i Tungjatjetës!
“Eshtë shumë e rëndësishme të ketë njerëz në Shqipëri që të ndihmojnë dhe që e bëjnë në mënyrë vulllnetare, sikurse janë vajzat. Unë jam i jashtëm, por kur shikoj që ka njerëz që ndihmojnë në këtë lloj mënyrë, edhe mua më behët zemra mal…. Unë jam këngëtar, jam artist dhe minimumi që mund të bëjmë është, që në koncertet që do të organizojmë të kërkojmë ndihmë dhe nga njerëzit e tjerë, që të arrjmë t’i mobilizojmë. Nesër mund të jetë shumë vonë…”, – shprehet Genti.
Në të gjithë vendin janë rreth 70 mijë fëmijë me një aftësi të kufizuar dhe vetëm, 8 % e tyre përfitojnë nga shërbimet e specializuara.
