Rrugët e qytetit bregdetar të Sarandës janë të mbushura me fëmijë të mitur që marrin fshesën dhe pastrojnë rrugët gjatë natës. Janë vajza të komunitetit rom, prindërit e të cilëve janë të punësuar në komunalen e qytetit.
Çdo natë këto vajza të vogla marrin fshesat dhe pastrojnë bashkë me nënat e tyre. Kamera e emisionit “Boom” ka qenë në mesnatë për të na treguar se si shfrytëzohen vajza 10 dhe 12 vjeç në punë, gjatë orëve të vona.
“Ku ta lë? Ta lë vetem në shtëpi?”, thotë njëri prej prindërve.
Në fakt ato duhet të ishin në gjumë në këtë orë dhe të nesermen në shkollë, por me sa duket këtë situatë nuk e sheh Bashkia Sarandë dhe Shërbimi Social Shtetëror që duhet të marrin masa për ndalimin e këtij shfrytëzimi çnjerëzor, qoftë edhe nga prindërit…
