Studentët do të marrin sot një vendim të rëndësishëm lidhur me mënyrën se si do të vijojë protesta e tyre.
Tashmë është hapur dera e fakultetit ekonomik dhe dhjetëra studentë nga degë të ndryshme kanë hyrë në mjediset e këtij fakulteti. Sikurse raportoi për News 24 gazetari Erion Skëndaj, studentët po hyjnë për të organizuar një mbledhje, nga ku do të dali edhe vendimi për vazhdimësinë e protestes.
Kujtojmë se prej 4 ditësh, studentët e fakulteteve kryesore në Tiranë vijojnë ngujimin në shenjë proteste për plotësimin e kërkesave të tyre, ndërkohë që prej 48 orësh një pjesë e tyre janë thuajse të izoluar për shkak se dyert e fakulteteve kanë qenë të mbyllura për të mos lejuar hyrjen brenda tyre të studentëve të tjerë nga jashtë.
Por sot, ndonëse dera kryesore e fakultetit ishte e mbyllur me dryn, punonjësit e sigurisë dhe policia e shtetit e gjendur para një numri të madh studentësh kanë vendosur të hapin portën dhe të lejojnë studentët të futen brenda.
