Gazetari Artan Hoxha tha në Opinion, në lidhje me transportin e parave se si ka mundësi që një makinë sjell parat në bankat që janë në zonën e ish-Bllokut dhe pas e shoqërojnë dy benza 190-ësh që mezi qëndrojnë në këmbë.
“Si është e mundur? Ai i policisë private kur ka fituar tenderin në komision ka paraqitur mjete tepër moderne dhe të sigurisë bashkëkohore”, shprehet Hoxha.
Sipas gazetarit, Hoxha këtu është e gjitha skema e korruptuar, duke nisur nga ai që i licenson dhe deri tek ai tjetri që bën transportin apo sigurinë e vlerës monetare të bankave të nivelit të dytë.
Lidhur me ngjarjen e grabitjes në aeroportin e Rinasit, gazetari i kronikës Artan Hoxha la të nënkuptohej, se një ditë pas grabitjes në fjalë, rrjedhja e ngjarjes ka qenë krejt ndryshe nga sa është paraqitur në media. Hoxha theksoi se disa persona që mendohet se janë efektivë të policisë, kanë tentuar të kapin apo të eliminojnë disa individë të dyshuar si autorët që kanë lidhje direkte me grabitjen, aksioni është kryer në disa fshatra të Fushë Krujës, por që mënyra e veprimit të këtyre efektivë ka lënë shumë pikëpyetje për veprimin e tyre.
“Personat në fjalë, pasi thyen të gjitha sistemet e sigurisë, pastaj humbën. Shqipëria nuk është një nga vendet që ka një infrastrukturë perfekte, ku ti të kesh qindra mundësi largimi, ato janë shumë të kufizuar, kjo është një mundësi e mirë e policisë për të ndjekur autorët. Unë ka ndjekur një nga ato ngjarjet ditën e sotme, ku menjëherë pas ngjarjes janë bastisur banesat e një grupi personash në zonën Nikël, Zezë dhe Fushë-Krujë. Madje disa janë thirrur, i kanë kërkuar të paraqiten vetë dhe ata janë paraqitur, bashkë me alibinë se nuk kemi qenë ne. Çfarë ndodhi, në një banesë e cila ndodhet në fshatin Derven është bastisur banesa dhe nuk është gjetur personi, i cili dyshohej se mund të ishte një nga pjesëtarët e grabitjes. Një ditë më pas, me datë 1 korrik, përgjatë një aksioni që unë ende nuk e kam verifikuar, ekzaktësisht se cila njësi e ka kryer, është qëlluar, me armë zjarri ndaj një personi i cili mendohet se ka qenë tek grupi i personave që mund të ketë marrë pjesë në grabitje. Është qëlluar me armë, madje kanë qenë tre automjete, për fatin e mirën nga vendi i ngjarjes unë kam siguruar një predhë, ai që e ka përdorur e ka pas armën e mbushur. Unë i bëj thirrje Prokurorit të nisë hetimet. Ai është një plumb me dy shpërthime dhe nuk bën rikoshet. Po të hyri në trup, mbaron punë”, tha Hoxhaj në Opinion.
