Të paktën 200 persona kanë humbur jetën dhe 2500 të tjerë janë lënduar nga tërmeti që goditi Iranin dhe Irakun. Tërmeti me magnitudë 7.5 ballë është ndjerë fuqimisht në Bagdat, por gjithashtu në të gjithë vendet e Lindjes së Mesme, përfshirë Turqinë dhe Iranin. Televizioni shtetëror iranian tha që tërmeti është ndjerë në disa qytete të vendit dhe kishte dëmtuar tetë fshatra, duke ndërprerë energjinë elektrike në një numër të këtyre fshatrave.
“Tërmeti u ndje në disa provinca iraniane që kufizohen me Irakun … tetë fshatra janë dëmtuar … Energjia është ndërprerë në disa fshatra dhe ekipet e shpëtimit janë dërguar në ato zona,” shkruan The Independent.
Linjat e ujit dhe energjisë elektrike janë bllokuar në disa fshatra dhe qytete në provincën perëndimore të Kermanshah dhe njerëzit po qëndrojnë jashtë në rrugë për shkak të kërcënimit nga lëkundjet. Deri tani nuk janë raportuar viktima.
70.000 persona kanë mbetur të pastrehë dhe kanë nevojë për ndihmë. Numri më i lartë i viktimave është raportuar në Kermanshah.
Instituti i Gjeologjisë tha se tërmeti kishte qendrën në qytetin Halabja, në verilindje të Irakut.
https://www.youtube.com/watch?v=kGWTQ_DDWwY
