Rusia ka nisur sot një luftë të gjithanshme ndaj Ukrainës me sulme të njëkohshme që vijnë nga jugu, lindja dhe veriu, nga toka dhe nga ajri. Raketat dhe bombat u lëshuan nga qielli, ndërsa autokolona e tankeve tashmë është parë në rrugët e Ukrainës.
Në pamjet e mëposhtme shihen zona në flakë, re të zeza tymi në qiell, mjete të blinduara ushtarake ruse që përparojnë në Donetsk.
Rojet kufitare ukrainase thanë se ishin sulmuar nga artileri e rëndë, tanke dhe trupa nga Rusia.
Luhansk, Sumy, Kharkiv dhe Chernihiv në lindje raportohet se janë qytetet Ukrainase të cilat janë sulmuar, shpërthime janë raportuar edhe në perëndim – në Zhytomyr dhe Lviv, afër kufirit me Poloninë.
Pamjet e jashtëzakonshme video treguan atë që dukej të ishte raketë që përplasej në aeroportin Ivano-Frankivsk, gjithashtu në perëndim. Një bllok apartamentesh në Kharkiv u godit, duke shkaktuar viktima edhe te civilët./Opinion.al
