Yjet e Hollivudit Jenifer Lopez dhe Ben Affleck kanë kurorëzuar në martesë dashurinë e tyre.
Lajmin e dasmës surprizë e konfirmoi vetë ylli i popit duke postuar në faqen e saj zyrtare në “Instagram” foto dhe video të momentit në të cilin kurorëzoi ëndrrën e saj të dashurisë me yllin e Hollivudit në Las Vegas. “Ne ia dolëm”, u thotë Lopez fansave të saj.
“Dashuria është e bukur. Dashuria është e mirë. Dhe rezulton se dashuria ka durim. Durim për 20 vite.” , shkruan Lopez mëngjesin e parë pas dasmës.
Pas martesës me Ben Affleck, Jennifer Lopez do ta ndryshojë mbiemrin e saj duke mbajtur atë të bashkëshortit, thuhet nga zyra e nënpunësit të qarkut Clark në Nevada, në Las Vegas.
Në shkrimin e bërë në rrjetet sociale, Lopez thotë se çifti kishte fluturuar në Las Vegas të shtunën dhe ishte në radhë për celebrimin së bashku me katër çifte të tjera.
“Kanë të drejtë kur thonë “gjithçka që ju duhet është dashuria”. Ne jemi mirënjohës që kemi një familje të re të mrekullueshme me pesë fëmijë të mrekullueshëm dhe një jetë që nuk kemi pasur kurrë më shumë arsye për ta pritur me padurim”, shkruan ajo.
Ndërsa mëngjesin pas dasmës, ishte vetë Lopez që ndau një selfie në shtrat duke mbajtur unazën e re të martesës.
Çifti u takua në xhirimet e filmit Gigli në vitin 2002, dhe u fejuan në vitin 2003, por e ndërprenë fejesën duke fajësuar “vëmendjen e tepërt të medias”.
Megjithatë, që kur u rikthyen bashkë, ata kanë postuar rregullisht foto dhe video nga pushimet e tyre romantike dhe momente me familjet e tyre.
Kjo është martesa e katërt e Lopez. Ajo ishte e martuar me këngëtarin Marc Anthony nga viti 2004 deri në vitin 2014 dhe së bashku kanë dy binjakë.
Affleck ishte i martuar me aktoren Jennifer Garner nga viti 2005 deri në vitin 2018 dhe kanë tre fëmijë së bashku./Opinion.al
View this post on Instagram
View this post on Instagram
