Pamjet shokuese brenda kabinës së një avioni tregojnë tmerrin që përjetuan 192 pasagjerët, për shkak të turbulencave. Fluturimi nga Miami, Florida, në Buenos Aires në Argjentinë, i cili zgjati 8 orë, la 15 të plagosur.
Nga xhirimet e publikuara nga pasagjerët tregohet rrëmuja në kabinë, ku janë të shpërndara kudo ushqimet dhe objektet e rëna nga vendi ku mbahen valixhet. 8 prej të lënduarve përfunduan në spital të enjten në mbrëmje, ndërsa pjesa tjetër u mjekua në aeroplan dhe aeroport.
“Incidenti ndodhi në fazën e fluturimit e quajtur “dalje në det” dhe menjëherë u raportua nga komandanti përgjegjës për avionin. Kompania organizoi pajisjet mjekësore pas mbërritjes së fluturimit për të ndihmuar ata pasagjerë që pësuan lëndime”, tha një zëdhënës.
