14 pako kanbis me një peshë prej 7 kolgramësh janë sekuestruar nga Policia Kufitare në Kakavijë, ndërkohë që një 32- vjeçar është vënë në pranga. Droga ka qenë e fshehur në gomën rezervë të një automjeti, drejtuar nga shtetasi S.H. nga Memaliaj.
Policia bën me dije se droga është zbuluar pas një kontrolli më të detajuar që i është bërë automjetit “Toyota Rav”, që udhëtonte për në Greqi.
Nga ky kontroll ka rezultuar se në gomën rezervë kishte të fshehura disa pako të mbështjella me letër natriban, të cilat dyshohet se janë të mbushura me lëndë narkotike Cannabis Sativa.
Menjëherë është njoftuar grupi Hetimor, ku kanë mbërritur Specialistët për Hetimin e Narkotikëve në Drejtorinë Vendore të Policisë Gjirokastër.
Nga veprimet e kryera nga grupi hetimor rezultoi se në brendësi të gomës rezervë kishte 14 pako me lëndë narkotike Cannabis Sativa, me peshë rreth 7 kilogramë gjithsej, e cila është sekuestruar në cilësinë e provës materiale, bashkë me automjetin.
Drejtuesi i mjetit është shoqëruar në ambientet e Drejtorisë Vendore të Policisë Gjirokastër, ku në përfundim të veprimeve të kryera nga Specialistët për Hetimin e Narkotikëve u bë arrestimi në flagrancë për veprën penale “Trafikimi i narkotikëve”.
