Dramë në Argjentinë. Një ndeshje futbolli e kampionatit rajonal ndërmjet San Jorge dhe Defensores u kthye në tragjedi. Lojtari Micael Favre humbi jetën në fushë, pasi gjatë lojës u pësoi një goditje me gju në kokë, ndërsa në momentet e tensionit që pasuan atë episod u godit edhe me gusht në fytyrë.
Pas ndërhyrjes së parregullt të pësuar dhe goditjes së pavullnetshme me gju në kokë, futbollisti i San Jorge u ngrit në këmbë, por në mënyrë të papritur u godit nga një tjetër lojtar kundërshtar me grusht.
Micael Favre provoi të ringrihej në këmbë, por e kishte të pamundur. Ai u shemb në tokë dhe pamjet dramatike treguan se ndihma e lojtarëve të tjerë të Defensores apo e pjesëtarëve të stafit teknik nuk shërbeu.
Momenti i goditjes së futbollistit me grush është episodi që u shoqërua me shqetësimin më të madh në Argjentinë, edhe sepse sipas rindërtimit të ngjarjes, ai veprim mmbetet i pashpjegueshëm.
Federata Argjentinase e Futbollit shprehu keqardhje për ngjarjen, duke ngushëlluar familjen e futbollistit që u nda nga jeta. Ndërkohë, organet e drejtësisë kanë nisur menjëherë hetimin.
Prokurori Sebastian Blanc ka bërë të ditur për mediat lokale se është në pritje të raporteve të policisë, të analizës së hollësishme të pamjeve filmike, përveç dëshmive të personave prezentë në fushë. Me poshte videoja shokuese, kujdes pamjet jane te renda:
