Ngjarja e një nate më parë në Dhërmi, kur pas një sherri, 23-vjeçari Emiljano Nina qëlloi me armë zjarri, vazhdon ende të marr vëmendje. Të tjera pamje janë publikuar vetëm pak minuta pas 4 të shtënave, ku klientët e lokalit Havana janë larguar të tmerruar apo janë përpjekur të fshihen poshtë tavolinave për t’ju shpëtuar plumbave.
Në një video të publikuar në Ora News, dëgjohen zëra të njerëzve të trembur, ndërsa ambienti është në kaos me tavolina e karrige të përmbysura.
Muzika vazhdon të jetë ende e lartë, ndërsa dëgjohet njëri nga të pranishmit që me sa duket i tregon ngjarjen dikujt tjetër, duke i thënë: “Doli pistoleta…”.
Policia ka njoftuar se autori i ngjarjes është ndaluar, ndërkohë që nuk dihet emri i personit tjetër me të cilin ai është përplasur. Në njoftimin zyrtar u tha se mes dy personave ka patur një konflikt të hershëm dhe ritakimi në të njëjtin ambient ka kthyer sherrin, ndërkohë që burime për “Panorama” kanë bërë me dije se shkak i sherrit ka qenë një vajzë.
