Kryetari i Partisë Demokratike, Lulzim Basha, vizitoi të dielën familjet e përmbytura në fshatin Rrushkull në Durrës, ku mbi 15 shtëpi ndodhen ende nën ujë dhe baltë prej 2 javësh.
Familja e Aziz Totës me 3 fëmijë të vegjël është ndër më të goditurat, e cila jeton me pak tokë ndërsa përmbytja i ka shkatërruar çdo mall që kishte. Kryefamiljari Tota i tha Bashës se nuk e ka vizituar asnjë zyrtar dhe nuk ka marrë asnjë ndihmë nga qeveria apo pushteti lokal.
Bashkëbisedimi
Aziz Tota: Jam pa punë dhe pa asnjë mbështetje. Jam invalid.
Basha: Të ka ardhur dikush për ndihmë?
Aziz Tota: Jo askushi. Ju jeni i pari që keni ardhur. Prej dy javësh s’ka ardhur askush.
As nga bashkia as nga qeveria.
Basha: Ne kemi ardhur këtu tu shohim dhe tu themi që qendrojmë afër jush. I prekim dhe i ndjejmë hallet tuaja dhe hallet tuaja do të jenë shqetësimi kryesor i qeverisjes të së nesërmes. Këtu do të vijmë prap për ti rregulluar këto kanale, edhe për tu gjendur prapë për të zëndëndësuar sado pak vlerat materiale të dëmtuara por mbi të gjitha do të jetë një qeveri që do të jetë afër jush. Nuk do u braktisë. Nuk do u lerë vetëm.
Prioritet do të jetë të investojmë në zonat e rrezikuara nga përmbytjet. Prioritet do të jetë të bëjmë këto rrugë, të ndërtojmë shkollat për ti ardhur në ndihmë fëmijëve tuaj. Këto do të jenë prioritet e qeverisjes që është afër jush. Kjo qeveri që është larg jush ju ka braktisur me mendje dhe ndaj nuk vjen as me trup këtu tu shohë sepse nuk u llogarit më.
***
Gjatë vizitës së tij në Durrës, kryetari Basha pas Rrushkullit shkoi në Sukth, ku takoi fermerët të cilët thanë se s’kanë marrë ende titujt e pronësisë. Banorët e zonës kërkuan garanci për votën e lirë për të zgjedhur lirshëm një qeveri tjetër, për të larguar të inkriminuarit nga politika dhe administrata e shtetit dhe për një qeveri pranë tyre.
Banor: Duhet të bashkohemi të gjithë. Nuk ka gjë më të fortë se bashkimi në dinjitet njerëzor. Partia është parti, njerëzit janë njerëz, burrat janë burra. Nëse jem besën e burrave këtij populli të tërë burrat i ke me vete. Nëse jepet besë partie, ato ikin e vijnë. PD, pastë faqen e bardhë për çfarë ka bërë. E ke thënë që gabime ka mjaft dhe të përgëzoj për ato që ke thënë. Të këshilloj që në momentin që do marrësh pushtetin, mos shih njerëzit që të lustrojnë. Shih hallet e popullit dhe shihe drejt në sy siç po e sheh sot dhe do të ecësh para ti dhe bashkë me ty të gjithë ne bashkë.
Basha: Të lumtë goja. Për këtë të jap fjalën.
