Deputetja e PD, Jorida Tabaku ishte sot në takim me familjet e Bregut të Lumit, të cilët nuk kanë marrë akoma dëmshpërblim për banesat e shëmbura për Bulevardin e ri. Banorët thonë se janë dhënë dëmshpërblimet për lot 1 dhe 2, ndërsa për lotin e tretë s’ka dalë VKM për dëmshpërblimin e banesave. “Ne do e pershkallezojme protesten. Do veteflijohemi per djersen, per shtepine tone”, tha një banor i zonës.
Në një prononcim për mediat, nga protesta e këtyre banorëve që do u shemben banesat e tyre, Tabaku tha se qeveria s’ka asnjë VKM për dëmshpërblim.
“Ky shtet për mua kana përfunduar. Nëse na cënojnë pronën, pasurinë që ju keni vendosur me 25 vite pune, atëherë se di se çfarë na ngelet në dorë. Në emër të PD i premtova banorëve se kjo parti ka të njëjtin standard. Do kemi këtë standard për këta banorë, që të dëmshpërblehen. Nuk mund të pranojmë që sot fëmijët të nxirren në rrugë dhe investimi i gjithë jetës së këtyre banorëve të shkelet me këmbë. Këta banorë këtu kanë përfunduar procesin e legalizimit. Ligji nuk e lejon që këto të nxirren nga banesa. Këtu janë 46 banesa, por janë disa familje pasi banojnë disa krerë në një shtëpi”, tha Tabaku.
