Fitorja e djeshme e Atalantës ndaj Romës ka qenë tepër e rëndësishme, si për rëndësinë e trepikëshit, por edhe për faktin se ekipi luajti me 10 lojtarë për 45 minuta.
Etrit Berisha ishte njëri ndër heronjtë e sfidës, pas disa pritjeve vendimtare nga shqiptari. Jo vetëm ai, por i gjithë ekipi është pritur me entuziazëm të madh nga fansat, kur zbritën nga aeroporti.
Berisha dhe shokët e tij u detyruan të festonin bashkë me tifozët që kishin bllokuar aeroportin e Bergamos. Skuadra mbërriti në qytet rreth orës 23:30 dhe kjo atmosferë ndodhi edhe 4 ditë më parë pas fitores ndaj Napolit në Kupë.
