Aktorja ruse, Evelina Bledans ka goditur një grua nga publiku pasi kjo e fundit e ka kritikuar rreth të qenurit nënë në moshën 49- vjeçare.
Bledans, është në pritje të fëmijës së tretë dhe ishte ftuar për të folur në show- n “Live” mbi shtatzëninë në moshë të vonë, krahasuar me moshën e përgjithshme të grave.
Një grua nga publiku ka marrë fjalën dhe e ka akuzuar aktoren për rrezikshmërinë e lartë që i kanoset shëndetit të fëmijës, duke vënë gjithashtu në dukje se Bledans ka edhe një djalë me sindromën Down.
“Është e rrezikshme të lindësh në moshën 35- 40 vjeçare. imagjino 49 vjeçe. Ç’të tha mendja? Do të sjellësh në jetë një tjetër fëmijë të sëmurë? Do të lindësh një tjetër fëmijë me sindromën Down? Askujt nuk i nevojitet një fëmijë i tillë, as shoqërisë dhe as ty”-tha gruaja nga publiku.
Aktorja përpiqet ta ndërpresë, dhe kur nuk ja arrin, ngrihet në këmbë dhe e qëllon.
“Ti e mjerë, ta tregoj unë. Kjo është për fëmijën tim, në rregull? Mund të thuash çdo gjë për mua, por fëmijën tim lërë të qetë!” ka përfunduar Evelina.
Video ka pasur shpërndarje të madhe në rrjet, dhe duket se i gjithë publiku është krahë Evelina Bledans.
