Kryetari demokrat Lulzim Basha nga protesta e banorëve të Unazës së Re, ka hedhur akuza direkt mbi Kryeministrin Rama lidhur me aferën korruptive të këtij projekti. Basha foli edhe për falsifikimin e dokumentave, ndërkohë që Prokuroria nuk ka ndërmarrë asnjë hap për të zbardhur çështjen.
“Investigimi i medias dhe autoritete amerikane provuan fallsifikimin e dokumentave per projektin 40 milione. Arta Marku mbron kete afere korruptive. Nuk ka asnjë prononcim nga autoritetet shqiptare të drejtësisë. Arta Marku e emëruar nga Rama në mënyrë antikushteutese po bën rolin e saj duke mbrojtur ideatorin dhe përfituesin e kësaj afere. Gishtin e drejtoj tek edi Rama si i lidhur me Salillarin, me Viktoria invest për të ndërtuar së bashku skemën e vjedhjes së miliona eurove. Burimet flasin për milionë euro të përfituara drejtpërdrejt përmes Afrim Qendros nga Edi Rama. Kanë kaluar 36 ditë që kur është denoncuar kjo aferë nga PD dhe asnjë veprim nuk është ndërmarë”, tha Basha.
Ai shtoi se në këtë aferë kaq ashiqare korruptive janë përfshirë shumë institucione, si: ARRSH në krye të së cilës qëndron njeiru më i besuar i Ramës në 20 vite, Afrim Qendro, kompliohet QKR, përdoren policia e shtetit dhe më pas edhe policia e bashkiake.
Basha përshëndeti edhe protestën e studentëve, ndërsa shtoi se PD është kundër ligjit të arsimit të lartë.
“Studentet nuk jane ngritur vetem per tarifat, por per te shembur nje sistem te kalbur. Ne 5 vjet Edi Rama ka harxhuar me shume para per godinen e kryeministrise dhe te ministrise se arsimit, sesa per sistemin arsimor, perfshire arsimin universitar dhe parauniversitar”, tha Basha.
