Policia italiane ka arrestuar 17 persona të cilët akuzohen për vepra të ndryshme penale, duke përfshirë trafikimim ndërkombëtar lëndësh narkotike të disa llojeve. Ndaj të arrestuarve është dhënë masa e sigurisë arrest me burg për 12 persona, ndërsa 5 të tjerë janë lënë në “arrest shtëpie”.
Një hetim qe zgjat gati dy vjet, nisur ne mars 2016 ka zbuluar një rrjet të gjerë të marrëdhënieve ndërmjet krimit të organizuar ne Bari, bandave te tjera kriminale në Puglia dhe klaneve aktive në Shqipëri, veçanërisht në qytetin e Vlores. Te gjithe bashke me nje synim, trafikun e hashashit, kokainës dhe marihuanës.
Këta persona vepronin në zona të ndryshme të Italisë, të cilat nga grumbullimi i drogës në depo dhe në shtëpi të braktisura, më pas bënin shpërndarjen dhe shitjen e saj në tregun italian. Aksioni u zhvillua në disa qytete si në Bari, Fasano, Leçe, por edhe në disa zona të tjera, të cilat mbaheshin prej kohësh në monitorim, përcjell “canale7.tv”.
Lidhjet me Shqiperine
Klanet kishin lidhje te forta edhe me Sacra Corona Unita. Policia italiane jep detaje per nje operacion antidroge, ne te cilin jane vene ne pranga edhe personalitete kriminale shqiptare, të arrestuar nga ana e autoriteteve lokale.
Policia ka ushtruar kontrolle të ndryshme në banesa, ku krahas drogave si hashash, kokainë, janë gjetur dhe sekuestruar, arsenal armësh dhe municione luftarake. Gjithashtu, në një shtëpi në “Torre a Mare”, karabinierët kanë kapur një ngarkesë droge nga Shqipëria. Mendohet se trafikantët kanë ndjekur rrugën Shqipëri- Pulia, duke përdorur gomone, të pajisur me dy motorë të jashtëm me 250 kuaj fuqi secila.
Ndërkohë nga brigjet shqiptare në zonën e Barit, janë kapur pothuajse 700 kg drogë të llojit “marijuanë”, e ndarë në pako, ndërsa nëse do dilte në treg kapte vlerën totale prej 5 milionë euro. Policia nuk jep asnjë detaj në lidhje me personat e lënë në burg. Nuk raportohet për ndonjë shqiptar të arrestuar, por policia mund të japë detaje të reja në vijim.
