Është përfshirë nga flakët një fabrikë e prodhimit të sfungjerit në Tiranë. Sikurse shihet nga pamjet tymi i zi ka mbuluar zonën, ndërsa zjarri është mjaft intensiv. Policia bën me dije se forcat zjarrfikëse kanë shkuar në vendin e ngjarjes dhe po punojnë për fikjen e zjarrit. Si pasojë e ngjarjes janë regjistruar vetëm dëme materiale.
“Më datë 30.08.2022, në “Misto Mame”, ka rënë zjarr në një magazinë me materiale sfungjeri dhe si pasojë ka vetëm dëme materiale. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga grupi hetimor për zbardhjen e rrethanave të ngjarjes”-njofton policia.
