Një zjarr i madh ka shpërthyer në Universitetin e Bristolit, në Angli. Zjarri shpërtheu në ndërtesën Fry, një objekt që po kalonte në një proces rikonstruktimi si pjesë e një investimi prej 33 milionë paundësh.
Sipas Daily Mail asnjë person nuk gjendej brenda ndërtesës kur flakët filluan dhe nuk ka raportime për ndonjë të lënduar. Rrugët përreth janë bllokuar dhe ndërtesa Memorial Wills, është evakuuar.
Të paktën tre mjete kundra zjarrit janë thirrur në vendngjarje, si edhe një patrullë policie. Helikopterët po përdoren gjithashtu nga shërbimet emergjente për të shuar flakët e zjarrit.
