Gazetari Artur Zheji i ripyetur edhe njëherë në Opinion në lidhje me videon-skandalin seksual ku me shumë gjasa, është i përfshirë një ministër shqiptar, tha se video ka kapur vlerën 2 milion euro.
Zheji shpjegoi se në redaksinë e 360 gradë.al kanë ardhur dy pjesë të vogla imazhesh nga video.
Imazhet që ka postuar portali kanë të bëjnë me mjediset e brendshme të një zyre ministrore në Tiranë.
Aty vihen re, mjaft qartë, dritarja e zyrës dhe disa pajisje të tjera.
Ndërsa video tjetër, bën fjalë për përfshirjen e një ministri në një skandal-seksual, por që ka ndodhur jashtë vendit, në një shtet latin.
Personi që është i interesuar për të bllokuar këtë video ka ofruar dy milion euro për bllokimin e saj.
“Nga informacionet e publikuara në rrejtet sociale, si dhe nga të dhënat paraprake që po vijnë nga burime konfidenciale, video, deri në këto çaste ka kapur shumën dy milionë euro”, tha Zheji në Opinion.
