Sot Turqia po mban zgjedhjet presidenciale, ku në garë dy konkurentët më të fortë janë Presidenti aktual Recep Taip Erdogan dhe ai i opozitës së bashkuar Muharrem Ince. Këto zgjedhje janë të rëndësishme për Turqinë pasi do të vendosin shumë për të ardhmen, nëse do të kemi një shtet më autoritarist me Erdoganin që kërkon ndryshime në kushtetutë për një fuqizim të mëtejshëm të rolit të Presidentit dhe kandidatit kryesor të Opozitës që kundërshton veprimet e Erdoganit.
Një video që qarkullon së fundmi në internet e marrë nga një qendër zgjedhore në Erzurum, tregon se si komisionerët mbushin votat për llogari të Erdogan dhe partisë së tij APK, ndërkohë që opozita ka shfaqur gjithmonë pretendime për mundësinë e manipulimit të zgjedhjeve.
