Një person u ekzekutua mbrëmjen e sotme në kryeqytet. Viktima është një 64-vjeçar të cilin policia për momentin e identifikon vetëm me iniciale M.B. Ai u gjet i pajetë në Rrugën “Nikolla Tupe” në zonën e ish-Bllokut.
Burime për tvklan.al thonë se sipas informacioneve të para, viktima dyshohet se është qëlluar disa herë me armë zjarri.
Dëshmitarët thanë për ABC News se nuk kanë dëgjuar zhurmë. Dyshimet e para janë se personi, mund të jetë qëlluar me armë me silenciator.
Në vendin e ngjarjes kanë shkuar forca të shumta policore, që kanë rrethuar zonën. Paraprakisht mësohet se janë shoqëruar tre persona, të cilët dyshohet se mund të kenë parë skenën e krimit.
