Një tjetër rast i transportimit të emigrantëve të paligjshëm në Shqipëri është goditur në Pogradec.
Policia bën me dije se 56 emigrantët ishin fshehur në një kamion tip “Mercedes-Benz” dhe do të transportoheshin drejt Tiranës. Në pranga ka rënë shoferi i kamionit, 49-vjeçari me iniciale S.Q. banues në Kamzë.
Ai do të dërgonte refugjatët drejt kryeqytetit kundrejt një shpërblimi prej 200 Euro për person, të cilëve u kishte premtuar se do t’i ndihmonte për të kaluar drejt vendeve të BE-së.
Shoferi i arrestuar ka qenë i proceduar edhe më parë për të njëjtën vepër penale. Materialet i kaluan Prokurorisë së Rrethit Gjyqësor Pogradec për veprime të mëtejshme hetimore./Opinion.al
