Autoritetet kanë ushtruar kontrolle ndaj automjeteve me xhama të errësuar. Në sheshin “Nënë Tereza”, efektivët e rrugores konstatuan një automjet me xhama anësore të errësuara, që drejtohej nga K. D. Gjatë kryerjes së veprimeve policore dhe gjatë verifikimit të dokumentacionit të errësimit të xhamave, rezultoi që ky dokument ishte i falsifikuar. Drejtuesi i mjetit u procedua penalisht për veprën penale “Falsifikimi i dokumenteve”.
Gjithashtu u goditën edhe dy raste të mitdhënies. O.Gj. 37 vjeç dhe L.S. 40 vjeç u proceduan penalisht në gjendje të lirë për korrupsion aktiv ndaj personave që ushtrojnë funksione publike pasi u ndaluan duke përdorur celularin gjatë drejtimit të mjeteve të tyre dhe për të shmangur gjobën, kanë tentuar të korruptojnë grupet e kontrollit, duke iu ofruar para.
Po ashtu kontrolle janë zhvilluar për përdorimin në mënyrë abuzive të targave të shteteve te tjera, të cilat rezultojnë të çregjistruara nga shtetet që i kanë lëshuar.
Si rezultat janë sekuestruar 3 automjete dhe janë tërhequr nga qarkullimi 85 targa që u ka përfunduar vlefshmëria./Opinion.al
