Një makinë BMW X6 ka përfunduar në oborrin e një shtëpie te “Komuna e Parisit” në tentativë për t’i ikur ndjekjes së forcave të Policisë.
Ngjarja ka ndodhur pasditen e sotme në kryeqytet, ku makina lukzose përfundoi në murin rrethues të një banese. Në rrugën” Sami Frasheri” shërbimet e policisë “Shqiponja” i kanë bërë me shenjë për të ndaluar mjetit me targa AA 858 NS.
Drejtuesi i mjetit nuk i është bindur urdhërit të Policisë dhe ka vazhduar rrugën me shpejtësi dhe si rezultat mjeti me të dhënat e mësipërme në rrugën “Prokop Mima “është përplasur me një mur rrethues të një banese.
Drejtuesi i automjetit së bashku me dy shokët e tij që udhëtonin me të janë shoqëruar në ambjentet e Drejtorisë Vendore të Policisë Tiranë për veprime të mëtejshme.
Drejtuesi i mjetit Bektash Muka, rreth tre muaj më parë ka goditur një mjet të policisë që përdorej nga “Shqiponjat”, pasi këto të fundit i kanë bërë shenjë ndalimi, por edhe në atë rast përsëri është larguar.
http://www.dailymotion.com/video/x4unvpj_bmw-x6-perplaset-me-murin-gjate-ndjekjes-nga-policia_news#tab_embed
