Janë publikuar pamje të autorit të vrasjes së deputetit të britanik pak para se të kryente krimin e rëndë. Siç shihet pamjet e siguruara nga kamerat e sigurisë, 25-vjeçari është duke ecur ngadalë me një çantë shpine pranë shtëpisë së tij në veri të Londrës.
I riu ka qenë duke shkruar drejt stacionit të trenit Gospel Oak kur kamerat e fiksuan jashtë një dyqani në Highgate Road.
Në pamjet e siguruara nga Sky News, ai shihet duke ecur me qetësi në rrugë i veshur me pantallona të zeza dhe një pallto të gjelbër.
Policia po heton lëvizjet e 25-vjeçarit para vrasjes së deputetit. Ali Harbi Ali u arrestua pak orë pas sulmit me thikë dhe tashmë ndodhet në qeli, por hetuesit po përpiqen të kuptojnë motivet e këtij sulmi ndaj ligjvënësit.
Deputeti i Partisë Konservatore, Sir David Amess u vra të premten e kaluar pranë Kishës Metodiste në Belfairs.
