Ngjarja e rëndë e ndodhur pak ditë më parë në Greqi, ku një baba shqiptar u doli para plumbave për të mbrojtur dy djemtë e tij, ka filluar të zbardhet.
Një prej djemve i cili mbeti i plagosur, ka folur për mediat greke, dy ditë pasi ka dal nga spitali. Djali 27-vjeçar është shprehur se ngjarja ka ndodhur për një shumë që vëllai i tij kishte marrë hua, teksa tregon se bëhet fjalë për 600 euro.
27-vjeçari dhe vëllai i tyre kishin caktuar një takim me burrat nga të cilët i vëllai kishte marrë hua 600 euro. Tensioni mbizotëroi që nga fillimi, tha ai dhe burrat që shkuan të takonin dy vëllezërit nuk vonuan shumë për të marrë armët dhe për t’i ndjekur ata.
Kur 27-vjeçari dhe vëllai i tij panë njërin nga burrat që tërhiqte armën, ata reaguan. Babai i tyre, i cili ishte afër, ndërhyri për t’i mbrojtur ata dhe pastaj e keqja ndodhi.
Viktima është identiflikar si Edmond Llangozi, kurse dy djemtë janë Anxhelo dhe Mihal Llangozi./Opinion.al
