Një vajzë 7- vjeçare e cila i kërkoi një filxhan çaji të ëmës, si përgjigje mori një sërë goditjesh me grushte. Ngjarja ndodhi në Argjentinë dhe u filmua nga vajza e madhe e familjes, e cila ia dha të atit, që më vonë e publikoi në rrjete sociale. Videoja u bë menjëherë virale dhe u shpërnda nga miliona njerëz në të gjithë botën.
Në video dëgjohet Daniela Galarza, nëna e tre vajzave që thotë, bëjë vetë atë dreq çaji dhe qëllon pa pushim 7-vjeçaren. E gjithë skena ndodh në prani të dy vajzave të tjera, që i luten të ndalojë. Videoja mbyllet me nënën që hedh në tokë telefonin duke thënë
“Hiqe atë dreq telefoni nga dora ose do të thyej turinjtë”.
Sipas “Daily Mail” pas publikimit të rastit nëna humbi kujdestarinë e vajzave, të cilat iu besuan gjyshes nga babai. Ajo po hetohet në gjendje të lirë derisa të zbulohet nëse bëhet fjalë për një rast të izoluar apo të përsëritur./E.M
