Ellen DeGeneres ka adresuar kritikat e saj kundër urdhrit të Donald Trump, për ndalimin e refugjatëve nga shtatë shtete me shumicë myslimane, në një mënyrë tepër të veçantë.
Pa e përmendur farë emrin e presidentit të ri, prezantuesja e njohur, në emisionin që është transmetuar mbrëmjen e djeshme, ka përdorur një krahasim të goditur.
Duke përdorur karakteret e filmit vizatimor “Finding Dory” ajo i ka dhënë një shuplak publike atij, pa hyrë farë në “ujërat” e politikës, shkruan opinion.al.
“Dory është një peshk nga Australia, ndërsa prindërit e saj jetojnë në Amerikë. gjatë përpjekjes për tu bashkuar me ta, Dory bashkë me miqtë e saj erdhën në “Marine Life Institute” përpara një muri gjigand gati të pamundur për tu kaluar. Atyre ju duhej të kalonin murin, i cili nuk kishte pothuajse fare efekt për ti ndaluar.”- ka thënë Ellen.
“Edhe pse ajo e kaloi murin ishte sërish e ndarë nga familja dhe aty e ndihmuan kafshë të tjera, me të cilat nuk kishte asnjë lidhje”- shprehet prezantuesja mes ovacioneve të sallës.
“Edhe pse ata nuk kishin asnjë lidhje me Doryn, e ndihmuar atë, sepse kjo duhet bërë sa herë dikush është në nevojë, ti i ndihmon!”- përfundon Ellen.
Video e saj është bërë virale në rrjet, duke u shpërndarë nga mijëra përdorues të rrjeteve sociale./ opinion.al
