Bashkëshortja e kandidatit për President në SHBA, Joe Biden, ka bërë një gjest i cili është vlerësuar nga shumë qytetarë në të gjithë botën.
Teksa Biden u takua me disa gazetarë në Miami, gruaja e tij, Jill Biden është siguruar që burri i saj të mbajë distancën e duhur për të mos u infektuar me COVID-19.
Në një moment që tani është bërë viral në rrjetet sociale, Jill i afrohet nga pas Joe-it, ndërsa ai po fliste me gazetarët, duke e tërhequr disa hapa prapa në një përpjekje të dukshme për të mbajtur distancën e duhur sociale.
Videoja u postua fillimisht nga një prej anëtarëve të stafit të Biden i cili shkroi: “Gjej një partner që kujdeset për ty ashtu si Jill bën për Joe”.
Ajo është martuar me Biden 43 vite më parë në 1977-n, duke u bërë njerka e dy djemve të tij nga martesa e parë, nëna e të cilëve ndërroi jetë në një aksident me makinë në 1972-shin, bashkë me vajzën e tyre. Joe dhe Jill Biden kanë një vajzë Ashley, 39 vjeçe.
Ekspertët këshillojnë që njerëzit duhet të mbajnë një distancë pre 2 metrash me ata që nuk janë familjarët e tij dhe sigurisht që të mbajnë maskën./ Opinion.al
