Kryetari i Bashkisë Erion Veliaj, ka rendur në spital për të parë gjendjen e policit bashkiak që u dëmtua ditën e sotme gjatë përplasjes së Policisë Bashkiake dhe aktivistëve të shoqërisë civile të cilët kundërshtojnë ngritjen e Këndit të Lojrave për fëmijë në brendësi të Parkut të Liqenit. Pas vizitës që kreu në shtratin e policit bashkiak, Veliaj në një deklaratë për shtyp tha: “Sot me Tanin e rrëzuar përtokë për pak minuta ra totalisht përtokë një kauzë që asnjëherë s’kishte bazë, një kauzë që iu ofrua të monitorohej por kundërshtojnë sepse duan dhunë dhe të dalin nëtelevizor.
Shteti ka ligje, nëse janë marrë vendimet nëse duan të respektojnë ligjet të shkojnë në gjykatë, me dhunë nuk i merr njeri të drejtat e qytetit, dhe s’do lejoj kurrë që të drejtat e qytetit të merren nga një grusht njerëzish…Dhuna nuk është zgjidhje për asnjë nga cështjet që nuk janë dakort, dera është e hapur…sot u ka rënë edhe alibia e fundit, ajo e te qenit një shoqëri civile.
Janë një shoqëri e dhunshme, nuk përfaqësojnë një shoqëri civile, aq më tepër dhunë ndaj një njeriu me uniformë policie. Kjo kauzë e diskretituar i përket të kaluarës”, -tha Veliaj nga spitali.
http://www.dailymotion.com/video/x3w6a2o_veliaj-tek-polici-i-dhunuar-nga-aktivistet_news
