Rikthehen Parodistët e Vlorës!
Afrim Agalliu dhe Agron Hamo kanë realizuar parodinë ”Vaksina felicita” për virusin COVID-19.
Parodistët teksa përshkruajnë pasojat ekonomike që pandemia e COVID po shkakton në vend, nuk rrinë pa përmendur as dekretet e qeverisë që i bën publike përmes televizionit, ndërsa nga opozita kundërshtohen pambarimisht.
“Pandemia na mbylli në shtëpi… Po presim nga halli vaksina të dalë. Qeveria po nxjerr dekrete për ne edhe për vete, opozita kundërshton… Njerëzia, s’dinë nga t’ia mbajmë. Kemi mbetur pa punë dhe pa para. Ekonomia ra”, janë disa nga vargjet e parodisë së interpretuar nga Agalliu dhe Hamo.
Dy artistët zgjidhjen përfundimtare për të shpëtuar nga virusi e shohin tek vaksina, ndërkohë që nuk ngurrojnë ta shoqërojnë situatën aktuale në vend me nota humori./Opinion.al
