Një studente palestineze që kërkonte azil qau përpara Kancelares gjermane Angela Merkel gjatë një debati televiziv.
Por tashmë Gjermania i ka siguruar familjes së saj rezidencë për një periudhë më të zgjeruar.
Reem Sahwil dhe familja e saj do të lejohen të qëndrojnë në Gjermani deri në Tetor 2017. Shkak për këtë “mikpritjen” ndaj familjes azilante është edhe integrimi i mirë i saj në shoqëri, raporton ‘The Guardian’.
14 vjeçarja shpërtheu në lot gjatë një eventi televiziv në Korrik pasi shpjegoi me një gjermanishte të rrjedhshme se ajo dhe familja e saj, pasi mbërritën në Gjermani katër vjet më parë nga një kamp refugjat libanez, u përballën me dëbimin.
“Unë kam qëllime si çdokush. Edhe unë dua të studioj. Është vërtet jo e këndshme të shohësh se si disa të tjerë mund të shijojnë jetën, ndërsa unë jo”, i tha vajza Merkelit.
Merkeli iu përgjigj se e kuptonte, por “politika është e vështirë ndonjëherë”.
https://www.youtube.com/watch?v=t_QPSTHnutw
