Një 25-vjeçare ka injoruar të shtënat paralajmëruese të policisë në një pikë kontrollo në Çeçeni para se të hidhte veten në erë.
Karina Spiridonova është parë e veshur e gjitha me të zeza, ndërsa ecën vetëm drejt oficerëve të armatosur në kryeqytetin Grozny.
Policia thotë se “vajza radikale ” është e bija e një politikani vendas pro-Vladimir Putin në Urale. Ajo ka shpërthyer bombën që kishte me vete.
Video që ka bërë xhiron e rrjetit tregon shpërthimin që ka vrarë 25-vjeçaren. Shpërthimi i saj nuk shkaktoi viktima në mesin e policëve që ndodheshin në pikat e kontrollit.
Policia po kërkon të kuptojë motivet e saj dhe bashkëpunëtorët e mundshëm. Pasi pretendon se asaj mund t’i jetë bërë presion nga militantët mbështetës të ISIS. Mediat e huaja shkruajnë se Karina i la një mesazh të shkruar Allahut duke thënë ‘më fal’ 21 herë para se të vriste veten.
Ministri i Brendshëm Alti Alaudinov tha:
Duke parë sjelljen e saj të çuditshme, oficerët në detyrë i thanë asaj të ndalonte dhe të tregonte ID-në e saj. Por në vend që të plotësonte kërkesën, vajza vazhdonte të vraponte drejt pikës së kontrollit. Zyrtarët e policisë e vunë re se ajo mbante një rrip vetëvrasës. Në atë moment ata gjuajtën një plumb paralajmërues por gruaja e re shpërtheu.”
Videoja tregon se ecja e saj nuk ishte aq e shpejtë duke u dhënë kohë policëve për të ndërhyrë. Si dhe për ta qëlluar, pasi vajza ishte nisur me qëllim që të plaste bombën kur të ishte në mes të policëve.
Nuk është e qartë se sa të shtëna u qëlluan nga policia para se ajo të ‘shpërthente rripin e vetëvrasjes’.
