Teksa e gjithë bota po përballet me pandeminë e koronavirusit, kjo betejë është dyfish më e vështirë për personelin shëndetësor.
Ata ndodhen në vijën e parë të rrezikut, punojnë më orë të zgjatura dhe janë gjithnjë të ekspozuar ndaj infektimit. Kështu, shumë prej tyre, për t’i mbrojtur familjarët e tyre , iu kanë qëndruar larg për javë të tëra.
E tillë është dhe historia pas kësaj video prekëse, ku një vajzë 6-vjeçare takon të ëmën. Vogëlushja ka qëndruar me gjyshërit, pasi të dy prindërit i punojnë në sektorin shëndetësor dhe për ta ruajtur nga infektimi nuk e kanë takuar prej një muaji.
