Përgjigja e trajnerit të Liverpool, Jurgen Klopp, kur u pyet se si po ndikon përhapja e koronavirusit tek ekipi i tij, është bërë virale.
Kloop kritikoi gazetarin për pyetjen, teksa theksoi se nuk i pëlqen fakti që për një gjë kaq serioze merret mendimi i një trajneri futbolli.
Gjermani u shpreh se nuk është e rëndësishme se çfarë mendojnë njerëzit e famshëm, pasi për virusin nuk duhet të flasin njerëz që nuk dinë, por ekspertë të fushës.
“Ajo që nuk më pëlqen fare është fakti që për një gjë kaq serioze merret mendimi i një trajneri futbolli. Nuk e kuptoj dot këtë. Nuk është e rëndësishme se çfarë mendojnë njerëzit e famshëm. Për gjëra të tilla duhet të flitet në mënyrën e duhur, nuk duhet të flasin njerëz që nuk dinë, siç jam edhe unë. Ekspertët duhet të thonë se çfarë duhet bërë dhe çfarë jo. Unë nuk kuptoj nga këto gjëra, nuk kuptoj nga politika apo koronavirusi. Pse më pyet mua? Unë jam me kapele bejsbolli dhe jam i parruar”, tha Klopp./Opinion.al
VID
