Katër ditë më parë kryetari i porsazgjedhur i Maqedonise Talat Xhaferri u nxorr me autoblind nga godina parlamentare pasi huliganët sulmuan deputetët. Sot (1 Maj) Kryetari është kthyer në parlament për të parë pasojat e sulmit barbar ndaj deputetëve dhe institucionit.
Xhaferi mori votat e shumicës së re parlamentare, gjithsej 61 nga 66 të pranishëm mbrëmjen e së enjtes (27 Prill). Zgjedhja e tij u prit keq nga Gruevski që po dorëzon pushtetin. Me dhjetëra vetë pushtuan parlamentin dhe rrahën deputetët në shenjë proteste për zgjedhjen e një shqiptari në krye të parlamentit.
