Një ngjarje e rëndë ka ndodhur mesditën e sotme në zonën e Analipsit, në Selanik të Greqisë.
Sipas mediave greke, një person ende i paidentifikuar ka qëlluar të paktën dy herë mbi një 50-vjeçar me origjinë shqiptare.
Viktima është filmuar teksa debatonte me shoferin e një makine në një pikë karburanti. Në një moment, ai ka tentuar ta godasë shoferin me një zinxhir, por pas kësaj është qëlluar me disa plumba dhe ka rënë në trotuar.
Ngjarja ka ndodhur pak minuta para orës 1 të mesditës, në rrugën Solonos 51, ndërsa viktima ka mbetur i plagosur rëndë në shpatull dhe ka ndërruar jetë pak orë më vonë.
Sipas informacioneve, ngjarja ka nisur si pasojë e një konflikti mes autorit dhe viktimës.
Në vendngjarje ndodhen forca të Policisë greke të cilat kanë rrethuar zonën ndërsa po kryejnë hetimet për identifikimin dhe kapjen e autorit./Opinion.al
— kakajason (@kakajason50) July 13, 2023
