Aktualitet

VIDEO/ “U kërcënova pasi filmova takimin e Klosit”, flet policia e Beratit


Bëhu pjesë e Grupit Zyrtar të Opinion.al
>> KËTU <<
               Publikuar në : 13:47 - 05/04/21 |
Opi Nion

Gjatë një takimi elektoral të Blendi Klosit në Berat është regjistruar një incident i cili është bërë publik ditën e sotme.

Ngjarja ka ndodhur më datë 27 mars dhe është bërë ditën e sotme publike nëpërmjet një video të nxjerr në media.

Bëhet me dije se një qytetar ka shprehur pakënaqësitë e tij lidhur me qeverisjen e vendit teksa ka veçuar faktin se në fshatin e tyre nuk është punuar.

E gjithë kjo situatë debati me tone të larta është filmuar nga një tjetër person, i identifikuar si  Xhimi Gjishti.

Ditën e sotme shtetasi Gjisti ka bërë publike ngjarjen duke u shprehur se është kërcënuar me jetë, pasi ka publikuar në internet incidentin e ndodhur në takimin elektoral të Blendi Klosit.

Nga ana tjetër policia sqaron se ka zhvilluar një takim me personin e kërcënuar, i cili nuk ka pranuar të bëjë kallëzim dhe të shpjegojë rrethanat dhe motivin e ngjarjes.

Reagimi i policisë:

Drejtoria Vendore e Policisë Berat, nisur nga një lajm i publikuar në media për një shtetas i cili pretendon se është ofenduar dhe kanosur me numër të fshehtë nëpërmjet telefonit sqarojmë opinionin publik se:

Nga shërbimet e DVP Berat menjëherë është organizuar puna dhe është marrë takim me shtetasin E.Gj nga fshati Drenovicë, i cili nuk ka pranuar të bëjë kallëzim dhe të spjegojë rrethanat dhe motivin e ngjarjes dhe nuk është gjetur e sekuestruar asnjë provë materiale nga hetimet paraprake.

Drejtoria Vendore e Policisë Berat fton të gjithë qytetarë të kallzojnë çdo rast ku cënohen të drejtat e tyre dhe çdo rast të paligjmërisë./Opinion.al

Pas