Partizani ishte skuadra që triumfoi në derbin me Tiranën me rezultatin 1-0, me një gol të shënuar nga Eraldo Çinari. Edhe kjo ndeshje u zhvillua pa praninë e tifozëve për shkak të pandemisë COVID-19.
Tirana shpërdoroi rastet në pjesën e parë, me Muçin dhe Seferin, ndërsa pjesa e dytë nisi me dy kartonë të kuq nga një për secilën skuadër. Bardhi u ndëshkua për Partizanin, ndërsa Batha për Tiranën.
Tashmë, Partizani shkon në kuotën e 26 pikëve, 9 më pak se Vllaznia që kryeson Kategorinë Superiore.
