Qyteti i Fushë-Krujës është tronditur mbrëmjen e djeshme nga një shpërthim i fuqishëm tritoli.
Shpërthimi ka ndodhur në lagjen “Punëtori” të qytetit, pak para mesnatës.
Sipas policisë lokale, lënda plasëse është vendosur në garazhin e shtetasit Ramazan Çenia, 58 vjeç.
Çenia aktualisht punon si polic në burgun e Zaharisë në Krujë.
Por Policia nuk ka ende një pistë, nëse shpërthimi ka të bëjë me detyrën e tij si polic.
Kohë më parë edhe djalit të Ramazan Çenias iu vendos një sasi e vogël tritoli në mjet.
Nga shpërthimi i djeshëm është dëmtuar një mjet tip Benz që ndodhej i parkuar në garazh si dhe janë dëmtuar muret e pallatit.
