Video/ Transportonin 6.2 kg kanabis, arrestohen në flagrancë 3 persona

Policia ka vënë në pranga tre persona në aksin rrugor Poliçan-Berat në cilët në dy automjete po transportonin lëndë narkotike.

Pas kontrollit të ushtruar në dy mjete një tip Benz dhe Toyota, forcat e policisë kanë bërë të ditur se kanë gjetur dhe sekuestruar 6.2 kg lëndë narkotike, e dyshuar si kanabis sativa.

Në prangat e bluve kanë rënë 34-vjeçari me inciale L.K banues në Lushnje, 39 vjeçari me iniciale J.C banues në Tiranë dhe 28-vjeçari me iniciale M.P banues në Durrës.

Materialet në ngarkim të këtyre shtetasve i kaluan Prokurorisë së Rrethit Gjyqësor Berat, për veprën penale “Prodhimi dhe shitja e narkotikëve, kryer në bashkëpunim”./Opinion.al/

 

View this post on Instagram

 

Berat Policia ka finalizuar operacionin antidrogë të koduar “Aksi”. Sekuestrohen 6.2 kg cannabis sativa. Arrestohen në flagrancë 3 shtetas. Policia e Beratit në vijim të punës së pandërprerë për parandalimin, evidentimin dhe goditjen e veprimtarisë kriminale në fushën e narkotikëve ka zhvilluar dhe finalizuar operacionin e koduar “Aksi”, në aksin rrugor Poliçan-Berat, në afërsi të fshatit Fushë-Peshtan. Në kuadër të këtij operacioni, Seksioni për Hetimin e Narkotikëve, në bazë të informacioneve të marra në rrugë operative se 3 shtetas po transportonin lëndë narkotike, organizoi punën duke bërë të mundur kapjen dhe arrestimin e tyre, konkretisht: L. K., 34 vjeç, banues në Lushnjë; J. C., 29 vjeç, banues në Tiranë; M. P., 28 vjeç, banues në Durrës; Nga kontrolli i ushtruar në mjetet tip Benz dhe Toyota, me të cilët po udhëtonin shtetasit e lartpërmendur, Policia ka gjetur dhe sekuestruar 6.2 kg lëndë narkotike, e dyshuar si cannabis sativa. Materialet në ngarkim të këtyre shtetasve i kaluan Prokurorisë së Rrethit Gjyqësor Berat, për veprën penale “Prodhimi dhe shitja e narkotikëve, kryer në bashkëpunim”.

A post shared by Policia e Shtetit (@policiae_shtetit) on Nov 1, 2019 at 1:46am PDT