Një tragjedi ka ndodhur në brigjet greke të Kiosit ku një anije me 27 emigrantë është mbytur dhe si pasojë kanë ndërruar jetë 4 persona.
Sipas mediave greke 3 nga viktimat janë fëmijë dhe një është një grua 40-vjeçare.
Lajmi është konfirmuar dhe nga ministri i transportit, Notis Mitarakis me anë të një postimi në Tëitter. Ai informoi gjithashtu se rezulton ende një person i zhdukur.
Në zonë po vijojnë kërkimet me anije dhe ajrore për gjetjen e personit të zhdukur ndërsa 22 janë shpëtuar (14 burra, 7 gra dhe një fëmijë).
Autoritetet u njoftuan për incidentin në orën 6:10 të mëngjesit, kur pasagjerët dhanë alarmin se po fundoseshin.
Sipas informacioneve, gomonia kishte një kapacitet prej 10 personash, por në të kishin hipur 27 persona, si pasojë i është shkëputur tërësisht fundi dhe të gjithë kanë rënë në det.
