Kryefjala e kësaj të premte është vetëm derbi i Kryeqytetit. Partizani apo Tirana? Kjo është tema e kësaj fundjave mes kolegëve, miqsh apo familjarësh. Kryeqytetasit janë ndarë këtë të premte në dy kampe dhe do të brohorasin në stadiumin “Selman Stërmasi”.
Vetëm para pak minutash, skuadra e Partizanit la hotelin ku ishte e grumbulluar, për t’iu drejtuar stadiumit “Selman Stërmasi”, ku në orën 18:00 do të startojë derbi i kryeqytetit, përballë Tiranës.
Një prej tifozëve të Tiranës i ka çuar një mace e zezë e cila i ka prerë udhën autobusit të skuadrës së kuqe, vetëm pak sekonda para nisjes nga hoteli, gjest që ka bërë efektin e tij te supersticiozët.
Natyrisht që optimistë janë tifozët bardheblu, që pikërisht te macja shikojnë një mundësi që skuadra e Tiranës të rikthehet te fitorja në derbi, që i mungon prej disa vitesh./opinion.al
Ndiqni videon
