Komediani i famshëm amerikan, Kevin Hart, ka publikuar një video në të cilën tregon rrugën drejt rikuperimit nga aksidenti i tmerrshëm i dy muajve më parë.
Në video tregohet terapia fizike e Hart pas përplasjes në Calabasas, Kalifornia në 1 shtator, kur një mik po drejtonte automjetin Plymouth Barracuda të 1970-ës.
“Pavarësisht se mendoni se keni çdo gjë në kontroll, nuk ke asgjë në kontroll”, thotë Hart në video, duke iu referuar ngjarjes që e la me shtyllën kurrizore të thyer në 3 vende, por që mund të kishte rezultuar fatal.
“Kur Zoti flet, ju duhet të dëgjoni”, vazhdon ai, ndërsa klipi tregon se ai po përpiqet të ecë sërish pasi qëndroi me javë të tëra shtrirë.
“Disa nga gjërat më të çmendura që ju ndodhin përfundojnë të jenë gjërat të cilat ju duheshin më shumë. Dhe në këtë rast, unë sinqerisht ndihem sikur Zoti më tha të ulem”, vazhdon Hart .
Komediani thotë se pas aksidentit jeta e tij ka ndryshuar përgjithmonë, ndaj ai falenderon familjen e tij, miqtë, fansat dhe Zotin ndërsa vazhdon ushtrimet për shërimin e tij.
Në fund të videos, një mjek i thotë se vetëm pas një viti ai do të ketë një rikuperim të plotë dhe Hart i përgjigjet se nuk e ka me nxitim./Opinion.al
