Deri në këto momente një vajzë 12-vjeçare ka humbur jetën si pasojë e tërmetit që goditi sot Kroacinë, ndërsa ekipet e shpëtimit po vijojnë kërkimet për persona të mbetur nën rrënoja.
Ndërkohë, në pamjet e filmuara nga mediat, mund të shihet momenti kur kanë dalë nga rrënojat e një ndërtese të shembur babai dhe djali i tij i vogël. Në video duket se fëmija është në gjendje të mirë shëndetësore dhe i vetëdijshëm.
Mediat raportojnë po ashtu se edhe një i moshuar është nxjerrë i gjallë nga rrënojat e një tjetër ndërtese.
Si pasojë e tërmetit me magnitudë 6.4 të shkallës Rihter një numër i madh ndërtesash janë shkatërruar dhe shumë persona kanë mbetur të lënduar. Të gjitha brigadat e zjarrfikësve në dispozicion nga Zagrebi janë rrugës për në Petrinja, epiqendëra e tërmetit, për të ndihmuar në operacionin e kërkimi-shpëtimit./Opinion.al
