Bota

VIDEO/ Tërmeti i fuqishëm mes Greqisë dhe Turqisë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:36 - 30/10/20 |
Opi Nion

Një tërmet i fuqishëm me magnitudë 6.6 ballë ka goditur mesditën e sotme ishujt grek të arkipelagut Dodekanez, jo larg nga qyteti turk i Izmirit.   

Lëkundjet janë ndjerë në gjithë Greqinë jug-lindore dhe në Turqinë perëndimore. Ndërkohë, raportimet e para tregojnë dëme të mëdha në qytetin e Izmirit.

Guvernatori i Izmirit ka thënë për CNN-in turk, “nuk kemi ende informacione për humbje jete. Po krijojmë një shtab emergjencash, ku do të mblidhen të gjitha informacionet”.

Ndërkohë, kanë nisur kërkimet për nxjerrjen e personave të mbetur nën rrënoja, ndërsa raportohet për disa persona të lënduar.

Agjencia turke e Menaxhimit të Fatkeqësive dhe Emergjencave bën me dije se epiqendra ishte në detin Egje, 17 kilometra larg qytetit të Izmirit, dhe magnituda ishte 6.6, ndërsa Agjencia Amerikane e Gjeologjisë thotë se tërmeti ishte i madhësisë 7, i shkallës rihter, me një thellësi prej 2 kilometrash në afërsi të ishullit të Samosit. /Opinion.al

Pas